Torsdag 12.januar 2023 inviterte kyrkja til ei markering av prost Johan Fritzner Greve
sitt arbeid i Sund. Bakgrunnen var at Sverre Bungum har fått gjeve ut ei bok han har
skrive om prosten.
Omlag 50 frammøtte fekk oppleva at Kjell Asle Børnes på ein fin måte leia
programmet - og at kantor Irina Tarasova spela orgel til salmane som vart sunge og
avslutta på piano med ei vakker framføring av postludium av J.S.Bach.
Egil Morland heldt foredrag om prestane si rolle i folkeopplysniga på 1800.
“Potetprestane” gjorde ein viktig jobb i denne tida med tanke på å sikra matforsyning
etter fleire kriseår på 1700-talet og tidleg på 1800-talet.
Sverre Bungum fortalde om prosten. Han trekte fram nokre episodar - som nok
freista mange til å lesa vidare i boka som no har kome ut. Han fortalde og om sin
kontakt med FInn Wesenberg - tippoldeson til prosten. Finn Wesenberg var invitert til
samlinga denne kvelden. Han fortalde om sin kontakt med Greve-slekta og om sine
besøk i Wesenberghuset som låg eit par hundre meter nedanfor prestehuset på
Klokkarvik.
Sund sogelag var invitert for å fortelja litt om Sund Almuebibliotek - og det jubileet
som er planlagt. Styreleiar i laget innleia. Sidsel Frøkedal fortalde om planane som
komiteen for 200-årsjubileet til biblioteket arbeider med.
Samlinga vart avslutta med kyrkjekaffi.