Tysdag 12. oktober inviterte Sund sogelag til omvisning på Fjell festning.
Styremedlem i sogelaget og kjentmann på festningen Hans Tveit var omvisar.
Me fekk ei interessant omvisning - og godt innsyn i historia til festningen.
Internasjonal kunstutstilling fekk me med på kjøpet.
Her var mange rom med kvar sin historie - og modell av heile festningsområdet som gav god oversikt. Mange tykte det var særleg interessant med omvisinga i ”Lasarettet”. Der var det mykje medisinsk utstyr frå krigen og jamvel pasientar på sjukestovene.
Turen vart avslutta med kringlesamvær i brakka. Her vart det svara på spørsmål - og litt om senn kom fleire av deltakarane med historiefortellingar knytt til hendingar under krigen. Det var stemningsfullt og interessant. Mellom dei 20 deltakarane var det 4 ungdommar (bra) som sette pris på omvisinga og kringlene.
Dette var eit vellukka arrangement - og mange takk til Hans for tilrettelegging og god omvising.